दोलखा, ७ मंसिर । दोलखाको उत्तरी सिङ्गटी बजारमा अवस्थित कालिनाग माध्यमिक विद्यालयको खेलकुद सप्ताह बिहिबारदेखि सुरु भएको छ ।
विद्यालयको वार्षिक कार्ययोजना अनुसार खेलकुद सप्ताह सुरु भएको प्रधानाध्यापक दाताराम नेपालले जानकारी दिए । खेलकुद सप्ताहमा विद्यालयका विद्यार्थीहरुबीच सदन स्तरिय पुरुष तथा महिला भलिबल, एथलेटिक्स, कबड्डी लगायतका प्रतियोगिता सञ्चालन हुनेछन् । सप्ताहको पहिलो दिन बिहिबार पुरुष तथा महिला सटपुट, ज्याभलिन थ्रो र महिला भलिबलको एउटा खेल सम्पन्न भएको शिक्षक तथा प्रशिक्षक महेश खड्काले जनाए । प्रतियोगिताका बिजयी खेलाडीहरुलाई अन्तिम दिन विशेष समारोहका वीच पुरस्कार तथा प्रमाणपत्र वितरण गरिनेछ ।
दोलखाको उत्तरी क्षेत्रका कालिञ्चोक, बिगु र गौरीशङ्कर गाउँपालिकाको केन्द्रविन्दु सिङ्गटी बजारमा रहेको उक्त विद्यालयमा झण्डै ६ सय भन्दा बढी विद्यार्थी अध्ययनरत छन् ।
