दोलखा, २४ साउन । दोलखाको विगु गाउँपालिकामा तिते माछा टिप्न गएका एक किशोरको पहिरोले पुरेर ज्यान गएको छ ।
विगु गाउँपालिका वडा नम्बर २ बासपानी स्थित तामाकोशी नदी किनारमा मङ्गलबा राती तिते माछा टिप्न साथीसहित गएका विगु २ ओराङका १४ वर्षका तिरिस तमाङको पहिरोमा पुरिएर ज्यान गएको हो । माथिबाट पहिरो आएको थाहा पाएपछि सँगै गएका अन्य तीन जना भागे पनि तमाङ भने भाग्न नसकेर पहिरोमा पुरिएका थिए ।
उनको शव बुधबार विहान निकालेर पोष्टमार्टमका लागि सदरमुकाम चरिकोट पठाइएको इलाका प्रहरी कार्यालय सिङ्गटीका प्रमुख सानु तमाङले जानकारी दिए ।
