दोलखा, २७ माघ । दोलखाको कालिञ्चोक गाउँपालिका वडा नम्बर ६ मा शनिबार रक्तदान कार्यक्रम सम्पन्न भएको छ ।
नेपाल रेडक्रस सोसाइटी लापिलाङ उपशाखाको आयोजना तथा दोलखा जिल्ला शाखाको प्राविधिक सहयोगमा लापिलाङ माविमा आयोजित कार्यक्रममा ४ महिला सहित २३ जनाले रक्तदान गरेको शाखाका सभापति ईश्वरी प्रसाद दहालले जानकारी दिए । उपशाखाका सभापति चित्र बहादुर खड्काको अध्यक्षतामा सम्पन्न कार्यक्रमको कालिन्चोक गाउँपालिकाका वडा नम्बर ६ का वडा अध्यक्ष भरत पाण्डेले आफैले रक्तदान गरेर उद्घाटन गरेका थिए ।
