मेलुङ, दोलखा । दोलखाको मेलुङ गाउँपालिका वडा नम्बर १ पवटी स्थित सत्यश्वर माविको जुनियर रेडक्रस सर्कलले विश्व वातावरण दिवसको अवसरमा वृक्षारोपण गरेको छ ।
विद्यालय परिसर वरपर जुरेस र विद्यालय नर्सको नेतृत्वमा सहभागि विद्यार्थीहरुद्वारा सरसफाइका साथै फलफूल र अन्य विभिन्न जात जातका बिरुवाहरु रोपिएको जुरेसकी शिक्षक नायक चन्द्रिका खड्काले जानकारी दिइन् । वृक्षारोपणका लागि जिल्ला वन कार्यालय दोलखाले विभिन्न प्रजातीका दुई सय बिरुवा उपलब्ध गराएको थियो ।
विश्वमै दिन प्रतिदिन बिग्रदै गएको वातवरणीय अवस्था र यसले उत्पन्न गरेको चुनौतीको सामाना गर्न विद्यार्थीहरुलाई सचेतना जगाउने उद्देश्यले विश्व वातावरण दिवसको अवसर पारेर सो कार्यक्रमको आयोजना गरिएको विद्यालयका सहायक प्रधानाध्यापक बद्रि खत्रीले बताए । हरेक वर्ष जुन पाँचको दिन विश्व वातावरण दिवस संसारभर मनाइँदै आएको विश्व वातावरण दिवस नेपालमा पनि केवल एउटा पृथ्वी भन्ने मूल नारा सहित विश्व बुधबार मनाइएको छ ।
