दोलखा, २८ साउन । दोलखाको विगु गाउँपालिकामा पहिरोमा पुरिएर एक बालकको मृत्यु भएको छ भने एक बेपत्ता भएका छन् ।
आइतबार दिउँसो स्थानीय खोला किनारमा निउरो टिप्न गएका विगु ७ का ३५ वर्षका निमदोर्जे शेर्पा र उनका १२ वर्षका छोरा पासाङलाई माथिबाट आएको पहिरोले पुरेको थियो । पुरिएर बेपत्ता भएका बाबुछोरा मध्ये छोराको शव घटनास्थलबाट केही तल खोलाको दहमा फेला परेको हो । बाबुको अवस्था भने आइतबार साँझसम्म अज्ञात रहेको प्रहरीले जनाएको छ ।
उनीहरुसँगै गएका स्थानीय दिलबहादुर थामी भने भागेर ज्यान जोगाउन सफल भएका थिए । (फाईल तस्बीर)
