दोलखा, ०९ जेठ । दोलखाको कालिञ्चोक गाउँपालिका वडा नम्बर ३ स्थित कालिनाग माध्यमिक विद्यालयमा जुनियर रेडक्रस सर्कल गठन भएको छ ।
नेपाल रेडक्रस सोसाइटी दोलखा शाखाका सभापति इश्वरी दहालको उपस्थितीमा गठित जुरेसको अध्यक्षमा प्रनिश शिवाकोटी चयन भएका छन् । त्यस्तै उपाध्यक्षमा सुजा थामी, सचिवमा सुजता थामी, कोषाध्यक्षमा यशोदा वली, उपसचिवमा टासी छिण्डुप शेर्पा र उपकोषाध्यक्षमा युकेस कार्की चयन भएका छन् ।
जुरेसको गठन अघि विद्यार्थीहरुलाई रेडक्रस र योसँग सम्बन्धित विषयवस्तुबारे प्रशिक्षण दिइएको थियो ।
