सिन्धुपाल्चोक, २३ साउन । लामोसाँघु–जिरी सडक खण्ड अन्तर्गत सिन्धुपाल्चोकको बाह्र किलो भन्ने ठाउँमा बसले मोटरसाइकललाई ठक्कर दिँदा एक युवकको ज्यान गएको छ ।
मङ्गलबार दिउँसो काठमाण्डौबाट दोलखा तर्फ आइरहेको बा ३ ख ५३०८ नम्बरको यात्रुबाहक बसले दोलखाबाट काठमाण्डौ तर्फ गइरहेको बागमती प्रदेश ३–०२–०१३ प ३५८६ नम्बरको मोटरसाइकललाई ठक्कर दिँदा दोलखाको भीमेश्वर नगरपालिका वडा नम्बर ३ का २३ वर्षिय विश्वराज श्रेष्ठको मृत्यु भएको हो ।
दुर्घटनामा परी गम्भिर घाइते भएका श्रेष्ठलाई उपचारका लागि राजधानी स्थित एक अस्पतालमा पुर्याए लगत्तै चिकित्सकहरुले मृत घोषणा गरेको प्रहरीले जनाएको छ । मोटरसाइकललाई ठक्कर दिने बस र त्यसका चालकलाई प्रहरीले नियन्त्रणमा लिएको छ ।
