सिङ्गटी, १३ फागुन । दोलखाको उत्तरी सिङ्गटी बजारमा आयोजित अन्तर विद्यालय स्तरीय विज्ञान हाजिरी जवाफ प्रतियोगितामा हिलेपानी संस्कृत मावि प्रथम भएको छ ।
विज्ञान शिक्षक समाज नेपाल (स्टान) कालिञ्चोक गाउँपालिका समितिले आयोजना गरेको प्रतियोगितामा कालिनाग मावि सुनखानी द्वितिय र कालिनाग मावि सिङ्गटी तृतिय भएका छन् । प्रतियोगितामा विभिन्न १० ओटा विद्यालयहरुको सहभागिता रहेको थियो । स्टानका कालिञ्चोक गाउँपालिका अध्यक्ष डम्बर थामीको अध्यक्षतामा सम्पन्न प्रतियोगिताका बिजयी विद्यालय तथा विद्यार्थीहरुलाई कालिञ्चोक गाउँपालिकाका उपाध्यक्ष कुलबहादुर बुढाथोकीले पुरस्कार र प्रमाणपत्र वितरण गरेका थिए ।
दोलखा घर भइ हाल कोरिया बस्दै आएका अवि थापा र जापान बस्दै आएका टेक थामीको मूख्य प्रायोजनमा भएको प्रतियोगितामा स्टानका जिल्ला अध्यक्ष सुन्दर खड्काले सहजीकरण गरेका थिए ।
