चरिकोट, १२ असार । दोलखा सदरमुकाम चरिकोटमा जारी दोलखा जिल्ला लिग फुटबल प्रतियोगिताको उपाधीका लागि टाइगर टिम तिखातल र तीनपोखरी बिगु भीड्ने भएका छन् ।
बुधबार भएको सेमीफाइनल खेलमा पेनाल्टी सुटआउटमा लालिगुँरास युवा क्लब चरिकोटलाई ३–२ गोलले हराउँदै टाइगर टिम र परिवर्तन फुटबल क्लव चरिकोटलाई १–० ले हराउँदै तीनपोखरी बिगुले फाइनल यात्रा गरेका हुन् । दोलखा जिल्ला फुटबल संघले आयोजना गरेको जिल्ला लिगको उपाधी भीडन्त बिहिबार दिउँसो २ बजे चरिकोट स्थित भीमेश्वर रङ्गाशालामा हुनेछ ।
त्यस्तै, जिल्ला फुटबल संघकै आयोजनामा भइरहेको जिल्ला नकआउट खुल्ला फुटबल प्रतियोगिताको उपाधीका लागि पनि बिहिबार बिहान ११ बजे चरिकोट गेमिङ र इको–टिपिएआरसी आमनेसामने हुँदैछन् । (तस्बीरहरुः अकुर उप्रेती/हिल स्टेशन दोलखा)
