भक्तपुर, ७ असोज । गत साउन महिनामा सञ्चालित एसइई ग्रेडवृद्धि परीक्षाको नतिजा आज सार्वजनिक भएको छ ।
राष्ट्रिय परीक्षा बोर्डका अनुसार परीक्षामा सहभागि भएका २१०३२१ परीक्षार्थी मध्ये ११९४२५ परीक्षार्थी अर्थात ५६.७८ प्रतिशत परीक्षार्थीहरुले ग्रेड प्राप्त गरेका छन्
प्रकाशित नतिजा विभिन्न ११ ओटा संस्थाको वेबसाइट, आइभिआर र एसएमएस मार्फत तथा राष्ट्रिय परीक्षा बोर्डको वेबसाइट र परीक्षा नियन्त्रण कार्यालय कक्षा १० को वेबसाइट मार्फत हेर्न सकिने छ । लेटर ग्रेडिङ निर्देशिका २०७८ (संशोधन सहित) को व्यवस्था अनुुसार परीक्षार्थीले परीक्षा दिएको विषयको सैद्धान्तिक परीक्षामा ३५ प्रतिशत र आन्तरिक मूल्याङ्कनमा ४० प्रतिशत अङ्क प्राप्त गरेमा मात्रै ग्रेडिङ हुने व्यवस्था रहेको छ ।
